Thursday 15 January 2015

DOUGHNUTS

DOUGHNUTS നമ്മുക്ക് വീട്ടില്‍ വച്ച് തന്നെ ഉണ്ടാക്കാം ,അതിനു ആരും പുറത്തു പോയി വെടിക്കാതെ ഉണ്ടാക്കാന്‍ പഠിക്കൂ ,,
DOUGHNUTS
========-===
ആവശ്യമുള്ള സാധനങ്ങള്‍
ഗോതമ്പ് പൊടി – 1 കപ്പു
മൈദ – 1 കപ്പു
പഞ്ചസാര – 1 കപ്പു ( ¼ കപ്പു പഞ്ചസാര പൊടിച്ചു വെക്കണം )
മുട്ട – 1 എണ്ണം നന്നായി ബീറ്റ് ചെയ്യുക
വാനില എസ്സെന്‍സ്‌ - 1 ടീസ്പൂണ്‍
പാല്‍ - 1 കപ്പു
ഈസ്റ്റ് – 1 ടേബിള്‍ സ്പൂണ്‍
ബട്ടര്‍ - 50 ഗ്രാം
ഉപ്പു , എണ്ണ – ആവശ്യത്തിനു
ഉണ്ടാക്കുന്ന വിധം
1 കപ്പു പാല്‍ തിളപ്പിച്ച്‌ ചെറു ചൂട് ആകുന്നതു വരെ വെക്കുക. അതില്‍ 1 ടേബിള്‍ സ്പൂണ്‍ ഈസ്റ്റും 1 ടേബിള്‍ സ്പൂണ്‍ പഞ്ചസാരയും ചേര്‍ത്തു മൂടി വെച്ച് 10 മിനുട്ട് നേരം പൊങ്ങാന്‍ വെക്കുക. പൊങ്ങിയതിനു ശേഷം ഇതിലേക്ക് ബട്ടറും , വാനില എസ്സെന്സും , നന്നായി ബീറ്റ് ചെയ്ത മുട്ടയും ചേര്‍ക്കുക. ഇതിലേക്ക് ഗോതമ്പ് പൊടിയും, മൈദയും, ആവശ്യത്തിനു ഉപ്പും , ¾ കപ്പു പഞ്ചസാരയും ചേര്‍ത്ത് നന്നായി സോഫ്റ്റ്‌ ആകുന്നതു വരെ കുഴക്കണം . അര മണിക്കൂര്‍ മൂടി വെക്കുക.
അതിനു ശേഷം വീണ്ടും നന്നായി കുഴച്ചു അര മണിക്കൂര്‍ കൂടി വീണ്ടും മൂടി വെക്കുക.
ഈ മാവ് എടുത്തു ഒരു ചപ്പാത്തി പലകയില്‍ ചപ്പാത്തി പരത്തുന്നത് പോലെ ¾ ഇഞ്ച് കനത്തില്‍ പരത്തുക. അതിനു ശേഷം വട്ടത്തില്‍ മുറിച്ചെടുക്കുക. പുട്ടുകുറ്റിയുടെ അടപ്പ് കൊണ്ട് അമര്‍ത്തിയാല്‍ നന്നായി മുറിഞ്ഞു കിട്ടും. അത് പോലെ ഈ വട്ടത്തിലുള്ള മാവിന്റെ നടുവില്‍ ഒരു ചെറിയ അടപ്പ് കൊണ്ട് അമര്‍ത്തി , അടര്‍ത്തി മാറ്റി ഒരു ദ്വാരം ഉണ്ടാക്കുക. 10 , 15 എണ്ണം ഇത് പോലെ ഉണ്ടാക്കി ഒരു 15 മിനുട്ട് നേരം വെക്കുക. നന്നായി സോഫ്റ്റ്‌ ആയി കിട്ടുവാന്‍ വേണ്ടിയാണ്.
ഒരു പാനില്‍ എണ്ണ ചൂടാക്കി ഓരോന്നായി വറുത്തു കോരുക. പൊടിച്ചു വെച്ചിരിക്കുന്ന പഞ്ചസാര മുകളില്‍ വിതറുക..


No comments:

Post a Comment