Tuesday, 2 July 2013

കപ്പ പുഴുക്ക് ............

കപ്പ പുഴുക്ക് (Kappa Puzhukku)

ആവശ്യമുള്ള സാധനങ്ങള്‍ 

കപ്പ 1 കിലോ
തേങ്ങ ചിരണ്ടിയത് അരമുറി
പച്ചമുളക് 7 എണ്ണം
വെളുത്തുള്ളി 5 അല്ലി
ചുവന്നുള്ളി 5 എണ്ണം
ജീരകം അര സ്പൂണ്‍
മഞ്ഞള്‍പ്പൊടി അര സ്പൂണ്‍
വെളിച്ചെണ്ണ 4 സ്പൂണ്‍
കറിവേപ്പല ആവശ്യത്തിന്

തയ്യാറാക്കുന്ന വിധം

കപ്പ തൊണ്ടു കളഞ്ഞ് ചെറിയ കഷ്ണങ്ങളാക്കി കഴുകി ഉപ്പും മഞ്ഞള്‍പ്പൊടിയും ഇട്ട് നല്ലപോലെ വേവിച്ച് ഉടയ്ക്കുക. തേങ്ങ ചിരണ്ടിയത് , പച്ചമുളക്, വെളുത്തുള്ളി, ജീരകം എന്നിവ ഒരുമിച്ച് അരയ്ക്കുക. തേങ്ങ അരയ്ക്കുമ്പോള്‍ വല്ലാതെ അരയരുത്. ഇത് കപ്പയിലിട്ട് നല്ലപോലെ ചേര്‍ത്തിളിക്കി കറിവേപ്പിലയും വെളിച്ചെണ്ണയും ഒഴിയ്ക്കുക. ചൂടോടെ കഴിയ്ക്കാം. നാടന്‍ രുചി വരണമെങ്കില്‍ വെളിച്ചെണ്ണ തന്നെ ഇതില്‍ ഒഴിയ്ക്കണം.രുചികരമായ കപ്പ പുഴുക്ക് തയ്യാര്‍ . കഞ്ഞിക്കു ഏറ്റവും നല്ല കറിയാണ് ഇത് 

No comments:

Post a Comment